Am y miniSMU MS01

Mae’r miniSMU MS01 yn uned ffynhonnell a mesur (SMU) gryno â 2 sianel, sy’n fanwl gywir iawn ac sydd wedi’i dylunio ar gyfer profi a nodweddu electronig amlbwrpas. Mae’r MS01 wedi’i beiriannu ar gyfer ymchwilwyr, peirianwyr a selogion electroneg. Mae’n cyfuno swyddogaethau pwerus â maint hwylus i’w gludo, ac felly mae’n offeryn delfrydol yn y labordy ac yn y maes.

Prif nodweddion a manteision

• Gweithredu ar ddwy sianel: Mae dwy sianel SMU y gellir eu rheoli’n annibynnol yn eich galluogi i brofi sawl cydran ar yr un pryd, neu i wneud dadansoddiad cymharol.
• Gweithrediad 4 cwadrant llawn: Gall gyflenwi ac amsugno foltedd neu gerrynt, gan roi hyblygrwydd ar gyfer amrywiaeth eang o sefyllfaoedd profi.
• Manylder uchel:
  • Amrediad foltedd: -12V i +12V gyda chywirdeb ar lefel mV
  • Amrediad cerrynt: -180mA i +180mA gyda chydraniad i lawr at 10nA ar draws 5 is-amrediad
• Dyluniad cryno: Gyda dimensiynau o ddim ond 137x82x29mm, mae’r MS01 yn hawdd ei gludo ac yn arbed lle mewn unrhyw weithle.
• Opsiynau pŵer hyblyg: Gallwch ei weithredu drwy USB-C ar gyfer ceryntau hyd at 50mA, neu ddefnyddio’r addasydd 12V DC sydd wedi’i gynnwys i gael yr amrediad cerrynt llawn.
• Cysylltedd amlbwrpas: Cysylltwch drwy USB neu Wi-Fi 4 i’w integreiddio’n hawdd yn eich system brofi.
• Rhyngwyneb meddalwedd greddfol: Mae’r feddalwedd gydymaith ‘miniSMU’ yn galluogi mesuriadau uwch, gan gynnwys cromliniau I-V, profion sefydlogrwydd ac olrhain y pwynt pŵer uchaf.

Defnydd bwriadedig a chymwysiadau

Mae’r miniSMU MS01 wedi’i ddylunio’n bennaf ar gyfer:

• Nodweddu celloedd solar: Delfrydol ar gyfer labordai prifysgol a labordai ymchwil a datblygu sy’n gweithio ym maes ymchwil a datblygu ffotofoltaig.
• Profi lled-ddargludyddion: Nodweddwch dransistorau, deuodau a chydrannau electronig eraill yn fanwl gywir iawn.
• Dadansoddi dyfeisiau: Gwnewch fesuriadau cromlin I-V manwl a phrofion sefydlogrwydd ar amrywiaeth o ddyfeisiau electronig.
• Astudiaethau rheoli pŵer: Olrheiniwch y pwynt pŵer uchaf ar gyfer celloedd solar a chymwysiadau rheoli pŵer eraill.
• Ymchwil electronig gyffredinol: Addas ar gyfer amrywiaeth eang o dasgau profi a mesur electronig mewn lleoliadau academaidd a diwydiannol.

P’un a ydych yn ymchwilydd sy’n gwthio ffiniau technoleg solar, yn beiriannydd sy’n mireinio dyluniadau electronig, neu’n fyfyriwr sy’n dysgu manylion nodweddu electronig, mae’r miniSMU MS01 yn rhoi’r offer sydd eu hangen arnoch ar gyfer mesuriadau cywir, dibynadwy a dadlennol.